Denbora batetik hona ezin ikusia hartu diet auzoko katuei. Inguruetako obrak hasi zirenean etxe gabe utzi zituzten sagu eta arratoi guztiak jan zitzaten ekarri omen zituzten... baina gaua iristen denean, isilka eta inork ez ikusteko bereak eta bi egiten, auzoko atso guzti-guztiak jaisten dira kalera, eguneko sobrak plastikozko erretilu batean, eta izkina guztietan uzten diete jana.
Nahiko agerikoa da, baina badaezpada ere, ohartarazi beharra dago: obratan gaude! Barkatu eragozpenak eta, batez ere, erabili kaskoa!
Atzo,
ez dakit oso ondo zergatik, burura etorri zitzaidan marrazki bizidunetako
aspaldiko 'super-heroi' bikote hori. Oker ez banabil, Picapiedra familiaren
herri berean gertatzen ziren haien abenturak, eta herriko umeek 'troncovistan'
ikusten zituzten... Barregarriena Capitán Cavernícolaren oihua eta
hizkera baldarra, are barregarriagoa estatu batuetako gaztelerazko bikoizketa
langileek jarritako ahotsei esker.
23:42