OHARRA: Twitterreko @aclimateos lagunak iradokizun interesgarri bat egin digu artikulu honekin lotuta. Gaia interesatzen bazaizu, Antiviral filman sakon aztertzen omen dute.
Ikusi hemen zuen zelebriti-salami proposamenak!
Gaia teoriaren jarraitzaileek esaten dute planeta formulak bilatzen ari dela gizakiok egiten diogun kaltetik babestu eta/edo mendekua hartzeko. Eta batzuetan, albisteak irakurrita, batek pentsatu behar du beharbada ez dela hain ideia zoroa.
Matxinsalto erreak, zizareak eta era guztietako kakalardoak gure dietan pixkanaka-pixkanaka sartzen joateko planak gutxi balira bezala, begira zein den azken mehatxua elikagai kontuetan. Bitelabs enpresa Kaliforniarrak zure ‘celebrity’-rik gogokoenaren haragiaz egindako salamia proposatzen dizu meriendatzeko.
Biopsiatik zure platerera
Bitelabsek proposatzen duen prozesua sinplea ei da: lehenengo eta behin, aukeratutako famatuarekin jartzen dira harremanetan, eta biopsia txiki bat egiten diote. Biopsia horretatik, ospetsuaren ehunen laginak ateratzen dituzte, eta lagin horietatik ama-zelula berezi batzuk, ‘miosatelite zelulak‘, giharren sorkuntzaz arduratzen direnak.
Zelula horien laginak bio-erreaktore batean sartzen dituzte, bio-ingenieritza teknikak erabiliz, giharrak (hau da: haragia), sortzeko.
Haragi hori prest dagoenean, prozesua erabat aldatu eta bizi osoko urdaitegi teknika tradizionalak aplikatzen dira, erreaktorean sortutako haragi horri espezieak eta bestelako osagaiak gehituz, eta produktua sikatzen, zahartzen eta umatzen utziz, Italiako haragi onduen tradizioari jarraiki.
Emaitza omen da hamaiketakoan edota meriendan lagunei atera eta ahozabalik uzteko moduko salami goxo-goxoa, zure famaturik gogokoenaren haragiaz egindakoa.
Jan famatuen haragia
#EatCelebrityMeat edo #JanFamatuenHaragia traolarekin, Bitelabsek sare sozialen bidezko kanpaina bat proposatu du, ideia gustuko dutenek euren ‘celebrity’ gogokoenei proposatzeko salami izan daitezen. (Hitzez hitz: Urlia, salami izan nahi duzu? galdetzea proposatzen dute.
Kaliforniarrek badituzte euren famaturik gogokoenak, noski, eta James Franco, Jennifer Lawrence, Kanye West eta Ellen Degeneres proposatzen dituzte lehenengo ‘osagai’ gisa.
Eta zuk? Ideia Euskal Herrira zabalduko balitz, zein euskal famaturi eskatuko zenioke salami izateko?
Inkesta: XalamiBarometroa
XalamiBarometroaren emaitzak
Zein euskal ospetsuri eskatuko genioke bere haragiarekin salamia egitea?Famatua | Bozkak |
---|---|
Xabi Solomo | 3 |
Txerri, Merri eta Txerribiton | 1 |
@joxemiel | 1 |
Aitziber Garmendia | 1 |
Yves Xalamiberri | 1 |
Itziar Ituño | 1 |
Joxe Rojas | 3 |
Gozategi | 1 |
Maite Goñi | 1 |
Ion Errea fisikaria | 1 |
Karlos Argiñano | 1 |
Julian Iantzi | 1 |
Andoni Urbistondo @urbixx | 1 |
Xabi Solomo
Nahastu naiz, bozka eman nahi nuen salamiarentzat
Torrrrrrpe hori! :-)
Lasai, kontatua botua! :)
Zainduuu!