Aitortuko dizuet: kontrakoa eman balezake ere, ez naiz bereziki bideojokozalea. Nire koordinazio psikomotorea nahiko kaskarra izan da beti eta, uste dut txikitako “sala de juegos” haietan ematen zizkidaten jipoiek betiko urrundu nindutela bideojokoen mundutik… Sega Megadrive atera zen garaiko salbuespena salbu. :)
Total, ez diedala kasu handirik egiten Playstation, Xbox eta abarren inguruko albisteei. Baina, eh! Gaur ikusi dut Nintendok martxoan aterako duen Nintendo Switch gailu berriaren aurrerapen bideoa eta… Facebookeko clickbait horietan esaten duten bezala: ikusi dudanak zur eta lur utzi nau.
Badakizue Nintendok beti izan dituela -makinei dagokienez- bi produktu sorta: bat etxerako, mahaigainerako, esan dezagun (Cube, Wii, WiiU), eta beste bat kalerako, eramangarria: Gameboy, DS…
Bada, Nintendo Switch hau bi mundu horien uztarketa da. Kontsola bera tableta baten antzeko gailu bat da, dock moduko bati esker telebistara konektatu eta edozein mahaigaineko kontsola gisa erabil daitekeena. Baina kalera irten nahi badugu, nahiko izango da tableta eskutan hartu eta, eraman, jokatzen ari garen partida eten beharrik gabe.
Hori baino are deigarriagoa da oraindik kontsolarekin jokatzeko aginteen sistema. JoyCon deitu die Nintendok, eta kontzeptua oso sinplea da: bi pieza independente dira, bideoan ikusten denez gutxienez hiru modutan erabil daitezkeenak:
- Kontsolaren gorputz nagusi edo ‘tabletari’ lotuta.
- Solte, bakoitza esku batean, Wii kontsolako aginteen estiloan.
- Pieza biak aginte bakar batean lotzen dituen hirugarren bati lotuta.
Oso-oso-oso moloia: Sony eta Microsoft, apur bat ordenagailu eta telefonoen estiloan, espezifikazioen gerran sartuta dabiltzan bitartean, zeinek zein baino GHz gehiago, Nintendok kontsolarekin interaktuatzeko moduari eman dio beste buelta bat, eta, bideoan ikusten denagatik behintzat, emaitza oso-oso-oso ikusgarria da. Zuk zeuk ikusi:
https://www.youtube.com/watch?v=pffIDsNcQQk&feature=youtu.be
Orain ikusi beharko da publikoak zer moduz erantzuten dion proposamen berriari, eta erabateko arrakasta ote den, Wii mitikoaren moduan, ala erdipurdiko harrera besterik ez duen lortzen, haren ondorengoa den WiiU-ri gertatu zaion bezala.
RT @joxe: Nintendo Switch kontsolaren lehen irudiak ikusi ditut, eta flipatu egin dut https://t.co/e7ASqMoEKm
RT @joxe: Nintendo Switch kontsolaren lehen irudiak ikusi ditut, eta flipatu egin dut https://t.co/e7ASqMoEKm
Nintendo Switch: kontsola ultramoloia https://t.co/JhBNgojWy9
Onerako? edo txarrerako?
Onerako, onerako. Ideia, kontzeptua, zoragarria iruditzen zait, edozein ‘gamerren’ ametsa. Kezkatzen nauena da kontzeptuaren garapen teknikoak noraino eramango duen gailuaren prezioa… Ez du merkea izateko itxurarik.
niri gehiago beste arlo batek kezkatzen nau. Potentzia, eta bateria, eta….. hauskortasuna
Bueno, uste dut hauen aspaldiko taktika dela ‘potentziaren’ gerran ez sartzea. Kontua da gehiago asmatzen ote duten joko esperientzia dibertigarria sortzen (Wii-rekin betean asmatu zuten, eta ‘potentzia’ aldetik patata bat zen). Eta batez ere, lortzen duten prezio aldetik gauza arrazoizko bat egitea (batez ere prezioa antzeratsuan ezdakitzenbat Ghz saltzen ari diren lehiakideen ondoan…). Enfin. Ikusiko :)
Joxe Rojas Barkatu atrebentzia, hain eztabaida interesgarrian nire muturra sartzearren. Nire uste apalean, Wiik bai, asmatu egin zuen joko (jolas?) esperientzia dibertigarriarekin, baina agian, ez oso bideojokozale zirenen artean (familietan pentsatzen ari naiz, edo lagun-taldeak). Wii-ak ematen zuen zerbait ezberdin, baina ez hainbeste gamer amorratu zirenentzat.
Hor gogor eutsi zioten Sony eta Microsoften kontsolek. Ea, oraingoan, nitxo hori betetzeko gai ote den Nintendo. Edo agian ez du bete nahi eta bere bidea jorratu nahi du (azkenengo lepotik burua)
Bideo Joko oso “casualak” egin zituen. Gaur egun mugikorretan dauden jokoen antzekoak, denbora labur baterako jolasak
Bai, hotik nindoan ni ere, Ugaitz Zabala Gomez. Ez dakidana da honezkero posible ote den ‘potentziaren’ lojikatik irteteko… bueno, edo irteten saiatu eta bizirik irauteko. Inpresioa dut WiiU, ideia ona izanda ere, fiasko handia izan dela, eta honekin ere ez ote den gauza bera gertatuko, ideia zoragarria bada ere.
Luze eztabaidatzeko gaia, bistan denez :)
Onartu beharra daukat ni ere txundituta naukala NIntendoren maletatxo berri honek. Ikusiko dugu harrera nolakoa duen
[teknopata-eu] Nintendo Switch: kontsola ultramoloia https://t.co/IuOAcDwxLk
RT @joxe: [teknopata-eu] Nintendo Switch: kontsola ultramoloia https://t.co/IuOAcDwxLk
Iñigo Arandia liked this on Facebook.
Ugaitz Zabala Gomez liked this on Facebook.
Nintendo Switch: kontsola ultramoloia https://t.co/czp2Dg4ZUn
Nintendo Switch: kontzeptu sinplea, gauzatzeko zaila https://t.co/FxuCR4djIX
Jon Villapún Arbide liked this on Facebook.
Nintendo Switch: kontsola ultramoloia @joxe ren eskutik https://t.co/nC6mnFMiQl
RT @AzkueFundazioa: Nintendo Switch: kontsola ultramoloia @joxe ren eskutik https://t.co/nC6mnFMiQl