avatar_txoko
Txokolatea, gaileta eta a bildua, zer gehiago eska daiteke ba?!? 🙂

Aupa! Joxe Rojas naiz, 1971ko azaroan jaio nintzen Gurutzetako ospitalean, Bizkaian. Gurasoak Malagako herrixka txiki batekoak ditut, Jubriquekoak. Hala ere, euskarak izugarrizko jakinmina sortu dit txiki-txikitatik eta tira, konturatu orduko eskolak ematen nengoen Bolintxu AEK Euskaltegian, Unibertsitatean Kazetaritza ikasten nuen bitartean. Hamar urte pasatu nituen bertan, harik eta egun batean nekatu eta beste zerbaiten bila hasi nintzen arte.

2015etik hona Komunikazio eta IKT Zuzendaria naiz TOKIKOM toki komunikabideen bateragunean. Aurretik, TOKIKOM bera martxan jartzen ibili nintzen Euskaltzaleen Topagunean, eta bertako Hedabide Saileko sustatzaile lanetan aritu nintzen 2006tik. Lehenago beste hamaika lanetan ere ibilia naiz: itzultzaile ARTEZ Euskara Zerbitzuan, koordinatzaile Arrigorriagako Artandape aldizkarian, itzultzaile neure kabuz, erredaktore Aizu! aldizkarian…, kolaboratzaile Gaur8 astekarian eta Bilbo Hiria Irratian, Bizkaia Irratian… koproduktore ETB3ko Nick dut Nik saioan… Gaur egun ere kolaboratzaile gisa nabil zenbait hedabidetan: Aizu! aldizkarian, Euskadi Irratiko Amarauna saioan, eta Sarean.eus atarian.

Gauza da argi koloretsuak eta botoiak dituzten trasteek txiki-txikitatik erakarri nautela (hortik teknopatarena) eta, enfin, hementxe nago, blogosferan gora eta behera. Zeozertarako behar banauzu, erabili beheko formularioa nirekin harremanetan jartzeko, ados?