Epala! Aurreikusi bezala, ekainaren 30ean amaitu da Crowdzozketaren lehen fasea. Zoritxarrez, ez dugu 200 euroko helburua lortu, baina lasai, ikuskizunak aurrera darrai! 🙂

Zuekin, crowdzozketa, mundu mundialeko zozketarik original eta parte hartzaileena!!! Iuju!

Hona zozketaren mekanika. Hasieratik hastearren, saria BQ etxeak atera behar duen Aquaris E5 Ubuntu Edition smartphone eder hau izango da:Aquaris E5 HD Ubuntu Edition - BQTelefonoaren balioa 200 eurokoa da, baina nik ezin ditut neure poltsikotik ordaindu, eta beraz, kontua da kopuru hori auzolanean batzea, ekarpen txikien bidez.

Zergatik telefono hori eta ez beste bat?

Bo, ba basikoki, Ubunturekin doalako. Jakinmina dut telefonoa probatu eta ondorioak zuekin partekatzeko.

Parte hartu nahi dut! Nola egin dezaket?

  • Crowdzozketan parte hartzeko, diru-ekarpentxoa egin behar duzu. Nire gomendioa da bi euroko ekarpena egitea.
  • Ekarpen hori egiteko, azpian dagoen Dropcoin zein Paypal botoia erabil dezakezu.
    • Dropcoin bidez, propina txikiak utz ditzakezu blogean gustuko izan dituzun sarreretan. 0,10 – 0,25 – 0,50 – 1 edo 2 euroko ekarpena aukeratu dezakezu. Dropcoin erabiltzeko, zerbitzu horretan erregistratu behar zara.
    • paypal-txartelaPaypal bidez ere egin dezakezu. Kasu horretan zeuk aukeratuko duzu zer kopuru jarri. Paypal konturik ez baduzu, zure txartel zenbakia emanda ere egin dezakezu, erregistratu beharrik gabe. (Klik ondoko irudian non sakatu behar duzun ikusteko).
  • Ekarpena Dropcoin bidez eginez gero, berbidali zure ordainketaren ziurtagiria crowdzozketa@teknopata.eus helbidera, zure izena (edo ezizena) adieraziz. (Ikusi dudanez, Dropcoin sistemak ez du ekarpena egin duen laguna oso ondo identifikatzen, eta badaezpada, ziur egoteko…).
  • Jartzen duzun 25 zentimo bakoitzeko, zozketarako zenbaki bat izango duzu. Hots: bi euro jarriz gero, gutxienez zortzi zenbaki izango dituzu zozketarako.
  • Ekarpenak egiteko epea 2015eko ekainaren 30ean amaituko da, gauerdiko 12:00etan.
    • Ordurako 200 euroak batu baditugu, telefonoa erosi, uztailean probatu, eta irailean egingo dut zozketa, ikasturte berriari pizgarri eder batekin ekiteko 😉
    • Bildutakoa ez bada 200 eurora iristen, jasotako kopuruaren %75eko balioa duten beste HIRU telefono edo trepetatxo jarriko dizkizuet aukeran, bozketa bidez erabakitzeko zein zozkatu. (Beste %25, badakizue, bidalketa eta horrelako gastuei aurre egiteko). Kasu horretan ere, zozketa irailean egingo nuke.
    • Edozein kasutan ere, zozketa egiteko haaaaain gustuko duzuen galdera-katea metodoa erabiliko dut. Egunero-egunero, astebetez, aurrekoaren erantzunarekin lotura duen galdera bat egingo dizuet.
      • Diru-ekarpena egin dutenek, erantzun zuzen bakoitzeko beste zenbaki bat lortuko dute.
      • Diru-ekarpenik egin ez dutenek, zozketarako zenbaki bat lortuko dute, galdera-kate osoari zuzen erantzunez gero.
    • Crowdzozketan parte hartuz, arau hauek onartzen dituzu, eta idatzita ez dagoen beste guztia antolatzaileak erabakiko duela.

Parte hartu!

Proposamena gustatu bazaizu, eta parte hartu nahi baduzu, bi pausu oso erraz egin behar dituzu:

1. Egin zure diru-ekarpentxoa, Dropcoin edo Paypal bidez (hori egiteko aukera 2015eko ekainaren 30ean amaitu zen).
2. Ekarpena Dropcoin bidez egin baduzu, berbidali zure ordainketa egiaztatzen duen mezua crowdzozketa@teknopata.eus helbidera, zure izena (edo ezizena) adieraziz.

Honelaxe geratu da diru-bilketa. Mesedez begiratu hemen hurrengo urratsen berri izateko.