Xuxen 5 Mac instaladorea

Oso oker ez banabil, Xuxen zuzentzaile ortografikoa Mac ordenagailuetan instalatzeko azalpena da blog honetako edukirik bisitatuena azken bolada honetan.

Hala ere, azalpenak ez ei dira oso argiak, bati baino gehiagori entzun/irakurri baitiot ez duela lortu Xuxen bere Mac-ean aktibatzea.

Beraz, eta gauzak errazte aldera, Elhuyar eta Ixako lagunek sortutako artxiboak automatikoki instalatzeko pakete bat sortzeko bidea bilatu (eta egin!) dut. Pakete hau erabiliz, klik pare bat eginda eta erraz-erraz izango duzue Xuxen prest zuen Mac-etan ibiltzeko.

Hona jarraibideak:

1. Deskargatu instaladorea mezu honen bukaeran.
2. Ireki artxibo trinkotua
3. Egin klik saguaren eskumako botoiarekin ‘Xuxen 5 Mac.mpkg’ artxiboan, eta aukeratu ‘Ireki? (Abrir / Open) aukera. Sistemaren instaladorea irekiko da.  Betiko klik bikoitza eginez irekitzen saiatuz gero, segurtasun alerta bat jasoko duzu, eta instalazioa bertan behera geratuko da!
   
4. Jarraitu instaladorearen pausuak. (Momentu batean, zure administratzaile pasahitza eskatuko dizu). Gogoratu Xuxen 5 erabili ahal izateko, zure Mac OS X bertsioak 10.6 izan behar duela gutxienez.

Instalazioa amaitutakoan, jarraitu pausu hauek zure Mac-ak jakin dezan euskaraz ari zarela. Prozedura apur bat aldatzen da zure sistemaren bertsioaren arabera, baina oso-oso erraza da:

Zure ezarpen panelean Idioma y Texto aukera ikusten baduzu:

1. Aukeratu ‘Texto” fitxa. Honelako zerbait ikusiko duzu:
2. Ziurtatu ortografiako hizkuntzen artean, “Euskara (Librería)” agertzen dela. Hala ez bada, gehitu ezazu “Configurar” aukeratik.

Zure ezarpen panelean Idioma y Región aukera ikusten baduzu:

1. Euskara zerrendako lehena jarri ondoren, sakatu “Panel de Preferencias Teclado” botoiari.
2. Irekiko den panelean, “Texto” fitxa aukeratu.
3. Ziurtatu ortografiako hizkuntzen artean, “Euskara (Librería)” agertzen dela. Hala ez bada, gehitu ezazu “Configurar” aukeratik.

Ez horregatik!

Xuxen 5 Mac instaladorea

Xuxen 5 zuzentzaile ortografikoa Mac ordenagailuetan automatikoki instalatzeko paketea

Deskargatu orain865 Downloads