Bideoak, HTML5 elkar-eragileak eta horrelakoak boga-bogan dauden honetan ere, bada aspaldiko animazio formatu bat, oraindik oooooooso erabilia eta erabilgarria dena: GIF animatuak.

Adibidez: arazo berari behin eta berriz aurre egin behar diozula dierazteko...
Adibidez: arazo berari behin eta berriz aurre egin behar diozula dierazteko…

Webgintzaren lehen urteetan, asko -gehiegi!- erabiltzen ziren webguneei bizitasuna emateko. Flash eta halakoen etorrerarekin, nahiko ahaztuta geratu ziren bolada batez… eta halako batean, sare sozialen boomarekin, ematen du formatua berpiztu egin dela: gero eta gehiagotan erabiltzen dira idatzizko mezuetan adierazgarritasuna areagotzeko: batez ere, telesaio edo film ezagunen eszena bitxi edo ezagunak hartzen dira, animazio bukle bihurtu, eta horiexek erabiltzen dira mezuari indar gehiago emateko.

Eta kontua da, interneten ikus-entunezko material gehienarekin gertatzen zaigun bezalaxe, honekin ere badugula arazo larri bat euskal internautok. Aurreko batean irten zen gaia hainbat blogariren topaketa batean: GIF animatuak ingelesez topa daitezke, gazteleraz, frantsesez… baina euskaraz? Euskaraz ez dugu ezertxo ere ez!!!

Euskal GIFak behar ditugu!!! 2 - teknopata.eusEta arazo larria da hori, lagunok!!! Euskal GIFik ez badugu, gure testuak horrelako baliabideekin aberastu nahi ditugun euskaldunok, erdarazko kultur erreferentzietara jo behar dugu eta. Beraz, kolonizazio kulturala geldiarazteko, behar-beharrezkoa dugu euskal GIF animatuak sortu eta zabaltzea!!! Nik, momentuz, halako batzuk sortu eta #euskalgif etiketarekin gorde ditut Tumblr honetan. (Bide batez, zuek ere zeuenak bidal ditzakezue bertara, e?)

Euskal iruditerian badugu materiala halako animaziotxoak sortzeko: Goenkale, adibidez, iturri agortezina izan daiteke, batez ere Maria Luisa bezalako pertsonaia klasikoak…

Euskal GIFak behar ditugu!!! 4 - teknopata.eus Euskal GIFak behar ditugu!!! 6 - teknopata.eus

Baina Goenkale ez da hauetarako iturri bakarra, noski. ‘Filoi’ agortezina izan daitezke gure politikariak…

Euskal GIFak behar ditugu!!! 8 - teknopata.eus

Musika taldeak, nola ez…

Euskal GIFak behar ditugu!!! 10 - teknopata.eus

Eta, enfin, bestelako pertsonaia klasiko eta ez hain klasikoak! 🙂

Euskal GIFak behar ditugu!!! 12 - teknopata.eus

gifyoutube webguneko editorea. Oso sinplea!
gifyoutube webguneko editorea. Oso sinplea!

Zer? Animatuko zarete #euskalgif gehiago sortzen? Hala bada, oso erabilgarri suertatuko zaizue gifs.com webgunea, adibidez: Youtubeko edozein bideo hartu, bere URLa gifyoutuben itsatsi, eta interfaze erraz-erraz bat erakutsiko dizue, nahi duzuen bideo zatia GIF animatu bihurtzeko, ti-ta batean eta ordenagailura ezer deskargatu beharrik gabe!

Benga ba, animatu eta bete dezagun sarea #euskalgif animatuz! 🙂

lehenengobizitzeada

 

Erantzunik ez

Utzi zure erantzuna

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.