Kataluniatik iritsitako txio batek, beste hainbatetan bezala, inbidia piztu dit. Hona:


Hamar telefono egile nagusienetatik 6k gailuak katalanez konfiguratzeko aukera eskaintzen dute. Jarraian etorri dira hainbat erantzun, esanez oso informazio baliagarria dela hori, telefonoa aldatzekotan dabiltzan katalan hiztunentzat.

Eta euskaraz? Badakigu zenbat/zeintzuk ote diren interfazea euskaraz eskaintzen duten telefono egileak edo sistema eragileak? Legezko derrigortasunik ezarri ezean, beharbada fabrikanteak ‘animatzeko’ modu ona litzateke euskaldunok telefono euskaldunak aukeratzea, ezta?

Android telefonoen kasuan, CyanogenMod banaketa alternatiboaren azken bertsioak euskaratuta dakar interfazea... gehiena bai behintzat
Android telefonoen kasuan, CyanogenMod banaketa alternatiboaren azken bertsioak euskaratuta dakar interfazea… gehiena bai behintzat

Euskaltelen orrian begiratuta, haiek eskaintzen dituzten terminaletatik 18k omen dute euskaraz konfiguratzeko aukera. Honako hauek:

  • Alcatel Onetouch Pop C7
  • Alcatel Onetouch POP D5
  • Alcatel Onetouch 2012 (*)
  • Alcatel 1035X (*)
  • LG G Flex 2
  • LG G2
  • LG G3
  • LG L Fino
  • Samsung Galaxy A5
  • Samsung Galaxy Core 2
  • Samsung Galaxy J1
  • Samsung Galaxy Note III
  • Samsung Galaxy S4
  • Samsung Galaxy S5
  • Samsung Galaxy Trend 2
  • Sony Xperia M2
  • Sony Xperia Z3
  • Sony Z3 Compact

Beste operadoreei dagokienez: ez Movistarrek, ez Vodafonek, ez Orangek eta ez Simyok ez dute webgunea euskaraz ikusteko aukerarik, ezta -noski- gailuak hizkuntzaren arabera iragaztekorik. Beraz, ez naiz gehiago nekatu.

Tira, kontuak kontu, eta jakin badakidanez euskaraz jar daitezkeen telefonoak goiko zerrenda horretakoak baino gehiago direla… inkestatxo bat egitea pentsatu dut. Lagunduko didazue euskaraz konfigura daitezkeen segapoto eta tabletak zerrendatzen? Horrela zerrenda erabilgarri bat izango dugu eskura, telefonoa aldatzekotan ibiliz gero irizpide hori ere kontuan hartzeko. Zer iruditzen? Gainera, E-Gor lagunak hala eskatuta, galderatxo bat gehitu dut, jakiteko euskaraz egoteaz gain, zuen telefonoak (edo tabletak) euskarazko zuzentzailerik ere ote duen. Informazio osoagoa izango dugu horrela, eta bere blogean aurrekoan sortu zen zalantza argitzen lagundu.

Animatzen bazarete, hemen behean duzue galdetegia, eta hor alboan ere jarriko dut, widget batean. Bost minutu baino gutxiago izango dira, animatu!!! (Erantzunen taula hemendik kuxkuxeatu dezakezue)

Eskerrik asko! 🙂

6 Iruzkinak

  1. e-gor 2015(e)ko maiatzak 14
  2. joxe 2015(e)ko maiatzak 14
  3. Osoitz 2015(e)ko maiatzak 21
  4. idoitxu 2015(e)ko maiatzak 21
  5. joxe 2015(e)ko maiatzak 22
  6. joxe 2015(e)ko maiatzak 22

Utzi zure erantzuna

This site uses Akismet to reduce spam. Learn how your comment data is processed.