Pixkanaka-pixkanaka sartu ziren gure egunerokoan, isil-isilik, eta modu bertsuan alde egin dutela esango nuke. Garai batean, 50eko paketetan erosten genituen grabatzeko CD eta DVDak. Gaur, lehen aldiz azken bi-hiru urteetan DVD bat grabatzen jartzean, konturatu naiz seguruenik sekula ez ditudala gastatuko erosi nituen azken diskoak.
Eta zuk? Erabiltzen al duzu (bir)grabatzeko CD, DVD edo BR diskorik? Noiz grabatu zenuen horrelako bat azkenengoz? Aitzakia ona teknopatometroa berpizteko, ezta? Ale ba, erantzun! (Eta utzi komentarioren bat nahi baduzu!).
Loading ...
Ez dut askorik grabatzen, baina lantzean-lantzean bai. Asteon beste bat grabatzeko asmoa daukat! Vivaldiren 4 urtaroak, ilobak entzun dezan!
Baaaa, nik ez dut grabatzen aspaldi, eta egin izan dudanean ez da niretzako izan, baizik eta lanerako, ordenagailu baten segurtasun kopia.
Hori bai, urtero urtero gabon alderako auzoko argazkiak dvd filma formatuan ateratzen ditugu, eta gabonetako jaian jarri. Beraz urtean behin dvd bat grabatzen dut ziur.