Maite Goñi, Iturri eta Teketen izan dira gaurko solaskideak Amaraunaren blogarien tartean. Beti bezala, uste baino gai gutxiago komentatzeko denbora egon da, baina tira, aipatutakoen artean, honako hauek:
- Goizeko 11:30etan atentatua zirudien eta gerora beste itxura bat hartzen joan den Leitzako Guardia Zibilen aurkako ‘erasoa’ aipatu dute esatariek. Horrelako albisteak interneten oihartzuna izateko zenbat denbora behar den galdetu dute, eta erantzun agusia izan da albisteak ukitzen duen jende kopuruaren arabera izaten dela. Adibide modura, azken asteko atxiloketek izan duten islada.
- UKblogak topaketak, Bizkaiko Uribe Kostako blogarien topaketan izan da Teketen, eta haien berri eman du.
- Gipuzkoako Foru Aldundiak bere datu geografikoak askatu ditu, eta oso berriz pozgarritzat hartu dut hirurek. Batez ere, ateak irekitzen dituelako gerora datu libre gehiago etor daitezen.
- Durangoko Azokaren harira, Alberdania argitaletxeak 35 liburu atera ditu formatu elektronikoan. Maite duela urtebetetik eskatzen ari da baten batek eBook bat oparitu diezaiola. Olentzero, entzun!!!
- Euskararen eguna dela eta, Eusko Ikaskuntzaren ekimena, klik egiozu euskarari, eta Euskaljakintzaren hitz-katea
Hori guztia, eta gehiago, beheko PLAY botoitxoari emanda, beti bezala. On egin!
Podcast: Play in new window | Download (0.0KB)
Harpidetu! RSS
