“Me voy a Cuenca” esaten zuen Coque Mallak 1994ko Todo es mentira pelikulan, inguruarekin nazkatuta zegoela eta ihes egiteko gogoa ematen ziola adierazteko.
Azken asteotan, behin baino gehiagotan akordatu naiz esaldi horrekin. Pelikularen izena ez nuen gogoratzen eta Googlen bilatu behar izan dut. Sarriegi izan ditut azken asteotan Cuencara joateko gogoa. Egoera hau ez dago luzaroan aguantatuko duenik. Ez osasuntsu, behintzat.
Mesedez, ez gaitzala inork salba, ez batzuengandik, ez besteengandik ere. Moldatuko gara gure kabuz. Benetan.
[…] Berriz ere alde egiteko gogoa. Berriz ere adierazpenak, kontra-adierazpenak, gaitzespenak eta gaitzespen ezak dantzan. Eta beste espaloi bat odolez bustita. Beste alproja bat —71 urteko aitona bat, esango didazue!— zerraldo. Beste martiri bat gure aurkako kausarako. Ale, denak libreago. […]